يا الحظ يوم الجـود بالخيـر ديدنـك
اقــول لــك مـلـيـون لله درك
ون كان شفت ان الردى حاصلن منك
الله يكفيـنـي تجـاريـب شــرك
الله يكفيـنـي خطـايـاك ومحـنـك
ويجعل تباشير الفـرج بـرد حـرك
ويجعل اصيل الجود صافي معادنـك
ويزيـد مجهـودي بمجهـودة بـرك
اما تصاريـف القـدر خلّهـا عنـك
للواحـد العالـم بجهـرك وســرك
بس المهم اتشـوف عينـي محاسنـك
واشوف في روس العوالـي مقـرك
شفت الحظوظ انواع في ساعة الضنك
حظـا يشـد ازرك وحظـا يغـرك
حظا على كـل المساعـي يعاونـك
مثل الشجـاع الـى نخيتـه يسـرك
يجيك نفعه جـا لسـا فـي اماكنـك
في كل ساعـه لـه نفوعـا تمـرك
وحظا ولونـك حـي بالفقـر يدفنـك
ويمكن على درب المهالـك يجـرك
وحظا يحط الشوك من تحت فرسنـك
منشان فـي درب الهـواء ماتحـرك
وحظا قليـل الفايـده فـي مواطنـك
ما ينفعـك بـا لعمـر ولا يضـرك
وســـــــلامتكـــــم