اللــه ولا الهاجس اللي مايرحني .. اسهـر عيوني وعناني وعنيتـه
احاول اخفيه مير الحزن يفضحني .. متمركزاً بالحشا كن الحشا بيته
ياللي تعاتب غموضي لاتوضحني .. ماباقيً في الخفوق الا تناهيته
اصافح الهم قبل انه يصافحني .. واحب خشمه واردد في الخفا ليته
ليته قبل لاتزل اخطاي ينصحني .. والا يريح خفوقي من عفارتيـه
والغالي اللي عليه الشوق ذابحني .. اقفا به الوقت ماجاني ولا جيته
ياسيد الغيد قبل اقول اقول لك بحني .. بخبرك عن كلام عنك خفيته
تدري وش اكبر خطاي الله يسامحني .. اقفايتي عنك وانت اللي تمنيته