السلااااام عليكم ...

س1 : آخر سفرة كانت لك وين ؟

أمس .... عشان كذا ما دخلت للموضوع ... لاني كنت ماشيه ... و حاليا انا في " مكه المكرمه "

س2: أقصر سفرة وأطول سفرة بحياتك ؟

أقصر سفره .... يوم نروح البحرين و نرجع في نفس اليوم

و أطول سفره ... مره مسكنا خط رحنا الشرقيه تمشينا و فرررينا ... و بعدها رجعنا الرياض عبينا الشنط خلال ساعه

و مشينا على مكه ...... و ثم زرنا ناس .. و مشينا على جده

و هذا كله ما نمنا ولا ارتحنا <<<< خخخخ كنا شباب في رحله و محششين

س2:ما أجمل مطار شفته ؟

مطار الرياض " الملك خالد " .... احسه نظيف جنب المطارات الثانيه

س3: الدولة اللي تحب تزورها؟

هو انا زرتها .. و أحب اروح هناك " الكويت "

س4: تذكار محتفظ فيه من أي دولة وماهو؟

ساعه من البحرين ... تمثال من المركز العلمي في الكويت

س5:نبي صورة لدولة تتمنى تزورها ؟

بورا بورا <<<< حلم حياتي .. ادعو لي بس

و هذا المكان في بورا بورا .. بالتحديد



س6: أكلة تحب اذا زرت أي دولة تتمنى تذوقها؟

الفوتوشيني الايطالي <<< ابي أكل ايطالي أصلي ..مو حق السعوديه خخخخ

الدولمه العراقيه <<< اكلتها في مطعم عراقي في البحرين .. بس اتمنى آكلها من ايدهم

كافيار فرنسي فاخر

خخخخخ في الاكل ما راح أخلص

س7: أي دولة تعجبك من قارة آسيا – أفريقيا- أوروبا- أمريكا الجنوبية- أمريكا الشمالية ؟

في قارة آسيا : ارمينيا

و في افريقيا : ساحل العاج

أوروبا: أوكرانيا - موسكو

امريكا الجنوبيه : تشيلي - البرازيل

امريكا الشماليه : شارلوت في " كارولينا " في أمريكا الشماليه ... و أزور شلالات نياغارا في امريكا الشماليه


س8:أجمل مكان شفته بسفرك ؟

المركز العلمي في الكويت .. بيت ربي في مكه المكرمه <<< ادري بتقولون مو جديده بس مافي احلى من هالمكان..!

س9: كم مرة سافرت بحياتك ؟

يؤ كثيييييييير ... وش يذكرني ..!!

س10: موقف محرج صارلك في سفرك ؟

انه مره اخوي الله يجزاه خير .. حجز لي رحله من الرياض لجده عن طريق الانترنت .... و المفروض في ورقه أطبعها و آخذها معاي

أخوي ما قال لي .... و أنواع الفشايل يوم نادو للرحله .... ما خلوني ادخل مع البوابه ....!!

و قعدت زي الشحاته عند البوابه الناس تدخل و تناظر فيني <<< ع بالهم ارهابيه و ما سكيني خخخخخ

بس أشوى .... كلم اخوي الرجال .. و شوي اعتذرو مني و قالو لي تفضلي

و أشوى و صلت عند اخوي بـــ سلام

وهذا موقف ثاني .... ليته ماصار .. تذكرته و جيت عدلت الرد

هذا الله يسلمكم رحنا (( الأكوا بارك )) في الكويت ... طبعا هو منتزه ماااااااائي

كل مسابح و ألعاب مائيه ....!!

احم احم ... الناس كلها هناك لابسه من غير هدوم هع حتى الحريم

و طبعا احنا كنا 4 حريم و رجال .....!!

و دخلنا و قعدنا نفررررر جوات المنتزه و العالم تناظر فينا كأننا كائنات فضائيه

بس أكيد السبب انه كلنا لابسين عبايات و متغطيين و مو باين فينا شي

والعالم كلها كانت مفصخه .... خخخخخخخ

بس مر الموقف و طلعنا بـــ سلام هع

والمواقف كثير بس هذا اللي تذكرته ..!!

س11ما آخر كتاب قريته يتكلم عن السياحة ؟

كتاب رحلات غلفرد .. و ابن بطوطه <<< بس الأخير ما تحمست معاه ولا كملته

س12:ماذ يعني لك السفر وهل تحب تسافر ؟

يعني لي فتره للترويح عن نفسي .. وترك هموم الحياة و الدراسه و أول خطوه للوناسه

امووووووت على شي اسمه سفر .. و أقدر السفر بالسياره

س13: شيء لا تستغني عنه في سفرك؟

الجوال + اللاب توب + كتاب اقرأ فيه وقت فراغي + شنطة ملابسي هع

س14: اختار عضوين من المنتدى وسافر معهم ولوين ؟

أختار حياة انسان و موجه على شط البحر

نرووووح .. ماليزيا ....!!

س15:نصايح تقدمها للمسافرين ؟

قبل ما تسافر اعتذر من الجميع .., اطلب منهم يحللونك كثير ناس راحت و ما رجعت

و لا تنسون دعاء السفر .. و أهم ي الدعاء اللي اغلبكم ينسى يقوله و هو راجع لديرته

( دعاء السفر )

الله أكبر الله أكبر الله أكبر

سبحان الذي سخر لنا هذا وما كنا له مقرنين

وإنا إلى ربنا لمنقلبووون

اللهم إنا نسألك في سفرنا هذا البر والتقوى

ومن العمل ما ترضى

اللهم هونا علينا سفرنا هذا وأطوي عنا بعده

اللهم أنت الصاحب في السفر والخليفه في الأهل

اللهم إنا نعوذ بك من وعثاء السفر وكآبه المنظر

وسوء المنقلب في المال والأهل
------

وإذا رجع إلى أهله يقول :

( آيبون تائبون عابدون لربنا حامدون )


س16:كلمة أخيرة لقسم السفر والسياحة؟

من أقسامي المفضله ... و أستمتع بالطرح فيه

و هالله هالله يا واحدمن الناس ... نبي نشوف الروائع في قسمك .. لأنه اح يزداد روعه بإشرافك عليه بالتأكيد

و يعطيكم العاااافيه

أختار بعدي

(( هتلر )) <<<< أحس اني صايره أوهقه المسكين خخخ

في انتظاره

مع التقدير