الجوع قتال وبعض العلوم شرهة... سالفه عشانك..!!

سالفتنا اليوم شرهة الله لا يشرهنا ولا يشرهكم ولا يشره اخواننا المسلمين
في صقاع الارض وبقاعها<<<وين رايح ذا
الله لا يشرهنا يالربع والربعات

يا اخوان الحياة صعبه والعزوبي حياته متسوى بقرشين

سلفتنا اليوم دارت احدثاها في احدى المدن السعودية الفخمة

هذا الله يسلم اعماركم شاب عزوبي مطفر حفيان حياته مال امها داعي

في ذات يوم من الايام وفي انتصاف شهر شعبان<<<يالنصاب وش دراك انه في شعبان .

عادي عشان نضبط السالفه .. عسى الله يعين على التحجير الحين

المهم ان اخونا العزوبي طلع من الجامعه على الساعه 3 العصر تقريبا<<<برضوا يالنصاب وش دراك

ما علينا المهم نضبط السالفه صح ولا انا صادق ..؟

قلنا انو اخونا فالله طلع من الجامعه العصر تعبان وكان يوم اربعاء

المهم الرجال طلع تعبان وبه يوع الكلاب وماتشوفن شر

الولد راح الشقه ودور على شيئ ياكله ما لقى شين ابد

دق كول مي على خويه ولا عطاه وجه

قلب في محفظته الا والله ما فيها الا خمسه ريال ..
ياولد وش اسوي ياولد وش اعبى بعمري ياولد خلني ارقد احسن
طبعا الكلام له هو

الرجال عدى ويرقد ايام برد .. ما حنا قلنا في شعبان ..؟

حاول يرقد ... تقلب .... اهب المخده بين كراعينه..حاس بعمره

عيا يجيه النوم .... الجووووووووووع ذباح الريايل

مرررررررررره مرررررررره ما جااااه نوم

الحين جيعان ميت جوع اكيد ما بيجيه نوم وفي جيبه خمسه ريال

الي حصل ان ذيبان قال والله اني لاخذ السياره والحمد لله البنزين على النص

المهم لا تدققون لازم نحبكها

لبس الرجال ثوب وشماغ وشخص من باب انو يشعر بالفخامه على الاقل

يعني على الاقل ما يحس انه فقير لهادرجه ... معه سياره وبنزين على النص ولابس ثياب نظيفه.

ما تقولون ياطوال الاعمار ان اخونا في الله دلى على سيارته تيه وارتكبها
واخذ يجول في شوارع المدينه هائماً على وجه يبحث عن الطعام .

والله ويشوف ذيك البوفيه وهو ماشي 140كلم في الساعة .

واسفففففففففففففففففففففففففففففط عندها وادخل عند ابو هنود

وش عندك يابو مدري مذاهي تياك ...

قال الهندي فيه بيض مقلي وبيض شكشوكه وبيض عيون وبيض مسلوق

اناااااااااااااا لله وانا اليييييييييييييه راجعون
كلها بيض يابو هنود .. عساها تبيض عيونك ..

انسدت نفس الخبل وقال ما ينفع خل نشوف غيرهم ..

ركب السيارة وقعد يفر والله ويمر على ذاك البوفيه الثانيه برضو هنود

بيييييييييييييييييييييييييييب بي بيييييييييييييييييييييييييييييييب

المره هذي بوري ما نزل وصلاة المغرب قربت .

جاه الهندي مطفي النور اس يبغى سديق

قال وش فيه ..

قال فيه بيض وبيض وبيض....الخ .. الهم انه اضاف عليها جبن ومربى

يا دين اللله دينه ... قفلت مع ام العزوبي قفلة السكون الرجال ناوي على وجبه دسمه.

والله وفحط في وجه الهندي وامش .. شوي الا وان الاذان يعطي

صلاااااااااااااة المغرب

طبعن في اسوأ الاحوال وفي قمة الجوع وحتى لو انك صايم بيكون حدك
صلاة المغرب او اذان المغرب .

هنا الولد بدت تاكل معه وتشرب من عمره

وقال اخسسسسسسسسسس اخسسسسسسسسسس بس
ماني برجال ان ما اشبعت عمري . لكن نصلي وبعدها خير

وقف عند احد المساجد وتوضى وصلى

ايوووووووووووووووووهـ الحين تجيك الافكار في الصلاة

ما امدى الامام يكبر تكبيرة الاحرام ويشرعون المصلين في الصلاة
الا برقيه عاجله جدا على اخونا العزوبي من الاخ شوشو. مفادها انك اهبل ان وما عندك سالفه
وبتموت وانت جيعان ياراعي هذا الضيعه

الحين مو اليوم اربعاء وقصور الافراح كلها زواجات والنعمه تنكب في الزباله اكرم الله من يسمع
ومن يقرا.. ولا يهمكم
رح اقرب قصر افراح وتعش وانقلع.
والله وتنط في راسه الفكره ولا عاد هنيه صلاه ولا دري مذا ما يقول الامام

وماغير سلم الامام وقل بها ياهبوب التايبين على السيارة وشغل وفر امها
على موقع قصور الافراح . واول قصر افراح واسفففففففففففط عنده

سيارات كثيره وعالم كثيره . واكيد بعد صلاة العشا بيحطون العشا وبيدسم شاربه
وبيلعن ام الجووووووووووووووع

وقف الريال وضبط الكوبرا وتعطر من درج السياره . والله العالم.ماني
متأكد معه عطر ولا مامعه . بس ممكن معه عطر لا تدققون .

دخل الرجال .. وتلفت في المسلمين دمت الصالة . وترحيب خولف . وعود وصبابه.
وقهوه وشاهي . وتمر

ودور دور دور دور دور دور الين شاف مكان محترم وفيه ناس كبار
ام انه يستقعد بينهم . عشان تجيه قهوه وشاهي وعلوم<<<قوة وجه

والله تواسى الريال واول الضحايا صحن التمر الخلاص ذا قدامه نسفه .
مسح ام الصحن . صار يلمع
وهاتك ياشهي . وهاتك ياعلوم .
وطب سوالف مع الجلسه . والريال يعرف يروي . سالفه عن صدام وسالقه
عن الاسهم . وسالفه عن اوضع الاقتصادي في البلد. وقصايد وشعر
وقصص كلها كوذاب . والشيبان ما غير ياخذون ويعطون مع الريال
ومعجبين فيه . الولد فلته . وشخصيه اسم الله .

والله واحد من الشيبان من شدة اعجابه في الولد قال
ياولدي من انت وش اسمك

قال هاه .. انا فلان من جماعة العريس .

قال الشايب .. من جماعة العريس يالولدي ... قال الولد ايه يا عم

المهم صرفها بسالفه كوذيه وتصرفت..

وشويه الا ون واحد من باب صالة الطعام

تفضلووووووووو تفضلو

حياكم الله ..

والله وشل عمره يارفيقنا ما ميبصر وعلى ذاك المفطح الطيب .. واقعد

وان الله يصبه بجنب الشايب ذا قبيل..

ويا دوب قالوا سموا بالرحمن . وبدو ياكلون..

الا والله ان الشايب يوم قال (انت متأكد أنك من جماعة المعرس ياولدي)..؟

قال رفيقنا .. نعععععععععععععععمممممممممممممممم

قال والنعم يولدي بس ترا هذا ماهو عرس.

قال الولد. كيف.؟؟

قال الشايب والله ماهو عرس ياولدي هذا اجتماع القبيلة..
لكن تعش وبالعافيه...

ويلعن ام الموقف الزفت

ههههههههههههههههههههههههههههههههههههههههه

حاديكم هو بعد اكل شيئ..؟؟؟؟؟



عجبتنى ولطشتها من الايميل خخخخخخخخخخخخخخخخ