يابنــت أرجـــوووووووووووووكـ ..!!!

يابنت أرجوك أنا مقدر كفاني ماضي الغلطات
أخاف الله يعذبني وأنا خواف يابنيه
وأخاف بساعة اللذه يجينا هادم اللذات
وياخذ من حشا جوفي بقايا روحي الحيه
أنا ليا ثمان سنين وأنا مدمن على الشهوات
ديار الفسق حاستها مواطي تحت رجليه
عيوني من كبر همي تخلط الدم والعبرات
مسيل الدمع من عيني حفر بالخد ماريه
صحيح إنك جميله بس تبنا من هوى الزينات
تركنا الحب غصب وطوع للعين الشقاويه
يابنت إنتي على بالك أباخذ من بنات الشات
أجل مجنون أنا يابنت أشيل العقل بيديه
ترى أكبر شي يربطني معك جوال أبو شاشات
وهاتف ينقل أشواقي على نبرات سلكيه
وترى كل العلوم اللي عطيتك بالهوى كذبات
وحتى دمعتي يوم الفراق الصعب كذبيه
هذاك اليوم ماهلت عيوني لجلك الدمعات
لأن الدمع ماينثر بقصة حب وهميه
أنا أضحك معك وأضحك منك عليك أكثر الضحكات
كأني بالهوى جني يعبي راس جنيه
وأنا ماني بخكري يلبس القمصان والشورتات
ويفرح قلبه المسكين إذا حب الدوينيه
أنا من لابة أروي ضمايا سيوفها الغزوات
خلايا جسمنا عاشت على دم القبيليه
دهنتي شعرك الأسود بألوان من الصبغات
وعيت تقلب الصبغه ملامحك الخليجيه
وحشرتي ردفك المسكين بالبنطال والجنزات
خلاقين تصنعها مزاجات اليهوديه
عشاني ميت في ثغرك الوردي أبو لمعات
تحسبيني أبرضخ لك لأن إشفاك ورديه ؟
ورب الكون مرضى فيك لو إنك شيخة الحلوات
وإذا صمل علي العلم أكب أرض السعوديه
يابنت الناس عزك في سواد يستر العورات
وعزي في شماغ أحمر وثوب أبيض وطاقيه
سعوديين نفخر في عبايات السعوديات
نغض الطرف إجلالا إذا شفنا السعوديه