رحلتنا لمطعم في الصين انا واحلى كرستاله وكسره ومزونهـ

هذا الله يسلمكم سنةً من السنين رحنا لــصين


أنا وكسرة دلع واحلى كرستاله ومزونهـ


الموهم ونحن نتمشى نلقى ذاك المطعم اللي يصك الراس


ونتهاوش كل وحدة تقول لا انا بركب قبلها وتصيح علينا ذا الدلوعه كسره


ماابي انا اول وحده تركب <<< عاد مسوين فيها بطلات قلنا احسن خلوها تتوهق ركبوها اول وحده


ونتسلق وحده تل والاخرى وقلوبنا ميب معنا نسينها في الارض


والصور تتكلم


هذا التلفريك اللي تبيه مززونهـ تقول خل يزحلق فينا مالت عليتس اجل يزحلق امحق








معنا خريطه ماسكتها احلى كرستاله ومن الخوف تقطعت الورقه ماشفن وش مكتوب فيها






والخبله كسرة لابسه كعب قال ايش موضه وينشب كعبها بين ذا الخشب الزبدة تركت كعب الموضة ومشت حافيه <<< امحق موضه






عاد كل وحده لازم تراقب بعين وحده يمكن يلاقيها احد وعين ترقب الخشبه اللي تمشي عليها وانا اراقب مزونه مطفوقه البنت اخاف تمحط علشان يمدينا نادي سبيدار مان






عاد من ضمن التعليمات اللي معطيناها يقولون كن حذرا عند مرورك من جنب شخص قادم من الجهه المعاكسه ايه هين لو يمر تبي تعطيه شوته محترمه أحلى كرستاله ماعندها فـ احد






اللحين لازم نتقدم إلى الامام وتخيلو الشكل كل وحده شوي وتمسك شوشة الثانيه من الروعه اما انا الظاهر معطت شوشة كسرة من الخوف مسكينه البنت






ايه جاك الموت يا تارك الصلاة أما انا منيب مع العالم الظاهر غمي علي بس والله اللي ميب سهلة وخطيره البنت مزونهـ راعيت جبال وتسلق ايه مستانسه وش عليتس عاد يقولون اللحين حطو رجولكم في وسط الفتحات







واللحين انا والبطلات اللي معي قربنا نتعشى في المطعم بس لازم نمشي على ذا الجسر هع






وأخيراً وصلنا للمطعم






تدرون هالمطعم اللي بلعنا فيه كانت التذاكر على حساب احلى كرستاله كريمه ذا البنت



تبون الجد عقب ذا التعب كله كسره وأحلى كرستاله وانا ماذقنا طعم الأكل نفكر في الرجعه وكله كوم إذا جاء الليل ونحن متعلقين بين ذا الجبال اما مزونهـ هي اللي فلتها والله تبلع وتزرط ولاهمها شي



عاد بالله من منكم يبي يخوض هالمعركه قصدي ذا الرحله للمطعم


لا ويمكن مايعجبكم الاكل بعد هع هع هع ....




انتظر ردودكم ياحلوين تشاووووو .....