قصيدة قريتها وعجبتني عنوانها (يا بدوية..!!)

إحصائية العضو

قالت الله لا يهينك انت خابرني بدويه = ما أحب الي يمسس غترتة ويزبط عقالة
أنا ودي ببدوي يمشي بدمة حميه = لا تعزوى بالقبيلة كلهم صاروا عياله
البدو غالين عندي لو حصل منهم خطيه = الولد فيهم يساوي شيخٍ بجاهه وماله
قلت انا انعم واكرم ماكذبتي يا اجوديه = سجل التاريخ عنهم البطوله والجماله
لكن الله لا يهينك لا تناسين البقية = الحضر رجالهم ياوسع صدره وطول باله
في المواقف انشديني مايتخلى عن خويه = لا فزع ماعاد يدري من وراه ومن قباله
وضيفهم يبشر بعزه والوفا والمقدرية = كل واحد يسبق الثاني ولا ندري بحاله
قالت اكبر عيب فيني يالحضر النرجسيه = ما اظن احد بيغريني بطبعه او جماله
انا احب الي زهابه حاجتين وبندقيه = يفتخر بالذود ويسرح كل يومٍ في حلاله
وان لفاه الضيف شاف الفرق شاف الناس حيه = ابدويٍ صوت نجره اطرب الطراقي وعناله
قلت انا ليه اختلقتي فرق وسويتي قضيه = الكبر لله.. والمؤمن ضعيف برأس ماله
يابدويه الجروح اللي من اسبابك نديه = والخفوق اللي تحرى جيتك ياماجراله
والعيون اللي تمنا شوفتك صارت شقيه = والفراق اللي بليا ذنب يذبحني لحاله
قالت الله لا يعاقبني انا بنتٍ بريه = من السوالف كلها والحب وين اللي وفا له
ياولد لا تحسب اني جاهله والا غبيه = الهوى ماهو كذا..والحب انا مابي مجاله
انا خوي ان قال خو فلانه عرفت اني بدويه = تجتمع روس العرب له يمينه من شماله